نیپی ریش 2 سال سے کم عمر بچوں میں جلد کی ایک بہت عام حالت ہوتی ہے۔ یہ نیپی یا ڈائپر میں پیشاب اور پاخانہ (پو) کے جلد کے ساتھ رابطے میں آنے کی وجہ سے ہوتا ہے۔ ہلکے کیسز عام طور پر بے درد ہوتے ہیں لیکن شدید نیپی ریش بچوں کے لئے تکلیف اور پریشانی کا باعث بن سکتی ہے۔
نیپی ریش کی علامات کیا ہوتی ہیں؟
نیپی ریش کی اہم علامت میں نیپی والے حصے میں سرخ، کچی جلد ہوتی ہے۔ اور ریش اور خارش بچے کے پیٹ یا اس کی کمر تک بھی پھیل سکتی ہے۔ جلد ابھری ہوئی ہوتی ہے یا سوج سکتی ہے۔
بعض اوقات یہ دھبے جلد کو داغ دار کرتے ہیں۔ یہ آپ کے بچے کے لیے درد اور خارش کا باعث بنتے ہیں
ریش کے اسباب
نیپی ریش عام طور پر جلد کی جلن کی وجہ سے ہوتی ہے، اور یہ جلن عام طور پر آپ کے بچے کے پیشاب یا پاخانے کی نیپی میں جذب نہ ہونے والی نمی سے ہوتی ہے یانم نیپی کے جلد کے ساتھ رگڑنے سے بھی ہوسکتی ہے۔بعض اوقات نیپی ریش بیکٹیریا، ایسٹ انفیکشن ، صابن یا ، یا بیبی وائپس کی وجہ سے بھی ہوسکتی ہے۔
کچھ حالات بھی عام نیپی ریش کو بدتر بنا سکتے ہیں۔ ان میں ایکزیما، سوریاسس، تھرش یا امپیٹیگو جیسے انفیکشن شامل ہوتے ہیں۔
بعض دوائیں کچھ بچوں میں خارش کا سبب بن سکتی ہیں۔اور ریش ایک ضمنی اثر یا الرجک ردعمل ہو سکتا ہے. اس کے علاوہ، کچھ دوائیں، بشمول کچھ اینٹی بایوٹک، فوٹو حساسیت کا سبب بھی بنتی ہیں – وہ ریش کو سورج کی روشنی کے لیے زیادہ حساس بناتی ہیں۔ فوٹو حساسیت کا رد عمل سورج کی روشنی سے جلن کا باعث بنتا ہے
ڈاکٹر کو کب دیکھانا چاہیے؟
ڈاکٹر کو دیکھائیں اگر
ریش ایک ہفتے میں صاف نہیں ہوتا ہے۔
ریش میں چھالے، کرسٹ یا پمپلز ہنتے ہیں
آپ کے بچے کو ریش کے ساتھ بخار ہورہا ہے۔
ریش پھیلنا شروع ہوچکا ہے
آپ کا بچہ بہت پریشان اور بے چین ہے
اگر آپ کا بیٹا ہے تو اس کے عضو تناسل کا سرہ سرخ اور سوجن زدہ ہے یا اس پر خارش ہے۔
آپ کے ڈاکٹر یا فارماسسٹ کو عام نیپی ریش کے علاج کے لیے آپ کو دوائی والی کریم دینے کی ضرورت پڑ سکتی ہے۔ لیکن اگر یہ ایکزیما یا جلد کے انفیکشن کی وجہ سے ہوتی ہے، تو آپ کے بچے کو صحیح علاج کرانے کی ضرورت ہوگی۔
نیپی ریش کا علاج کیسے کیا جاتا ہے؟
اگر آپ کے بچے کو نیپی ریش ہے تو آپ اس حالت کو سنبھالنے یا ٹھیک کرنے میں مدد کے لیے کئی چیزیں کر سکتے ہیں
اچھی کوالٹی، ڈسپوزایبل نیپی یا پیمپر استعمال کریں کیونکہ یہ میڈیکیٹڈ ہوتے ہیں اور بیکٹیریا سے بچاتے ہیں۔
جب بھی ممکن ہو اپنے بچے کی نیپی تھوڑی دیر اتارنے کی کوشش کریں۔ یہ طریقہ آپ کے بچے کی جلد کو خشک رکھے گا اور تھوڑی دیر پیشاب یا پو کے ساتھ کسی بھی رابطے سے دور رکھے گا۔ اور پیمپر کو گندا ہوتے ساتھ فورا تبدیل کرنے کی کوشش کریں اور اگر خالی پیشاب سے بھی بھرا ہے تو اسے تبدیل کریں
فرش پر کھیلتے وقت اپنے بچے کے نیچے تولیہ پر بچھانے کی کوشش کریں۔ آپ کو ہمیشہ یہ دیکھنا چاہئے کہ انہوں نے تولیہ گیلا یا گندا تو نہیں کیا ہے تاکہ وہ گیلے تولیے پر نہ رہ جائیں۔
خارش والے حصے کو صاف کرنے کے لیے صرف گرم پانی کا استعمال کریں۔
صابن اور پرفیومڈ بیبی وائپس سے پرہیز کریں کیونکہ یہ جلد کو خارش زدہ کر سکتے ہیں۔
جلد کو خشک کرتے وقت نرم تولیے یا روئی کا استعمال کریں، اور اس ریش والی جگہ کو آہستہ سے دبا دیں۔
ہر نیپی کو تبدیل کرنے کے بعد ریش کریم لگائیں۔ زنک کریم، زنک آکسائیڈ مرہم اور پیٹرولیم جیلی پر مشتمل مصنوعات سب نیپی ریش کے لئے موزوں ہوتے ہیں۔ آپ اپنے فارماسسٹ سے نیپی ریش کریم کے بارے میں بھی پوچھ سکتے ہیں۔
ٹیلکم پاؤڈر یا جراثیم کش ادویات کا استعمال نہ کریں۔
کیا نیپی ریش کو ہونے سے روکا جا سکتا ہے؟
اپنے بچے کی جلد کو صاف اور خشک رکھ کر نیپی ریش کو روکا جاسکتا ہے ۔ ایسا کرنے کے لیے، نیپیز کو باقاعدگی سے تبدیل کریں۔ 12 ماہ سے کم عمر کے بچے کو روزانہ 5 سے 7 نئی نیپییں لگنی چاہئیں۔
نیپی ریش کی پیچیدگیاں
نیپی ریش جلد میں خمیری انفیکشن پیدا کرنے کا خطرہ بن سکتا ہے، جسے تھرش کہا جاتا ہے۔ یہ لنگوٹ کے علاقے یا پیمپر والی جگہ میں چمکدار سرخ، دھبوں کی طرح لگتا ہے۔ اگر آپ کو لگتا ہے کہ آپ کے بچے کو تھرش ہے تو اپنے ڈاکٹر سے فورا رجوع کریں
ریش بھگانے کے گھریلو ٹوٹکے
کچھ ٹوٹکے مندرجہ ذیل ہیں
ناریل کا تیل
آپ کے پاس کچن میں موجود ناریل کے تیل کے بے شمار فوائد ہوتے ہیں یہ صحت اور خوبصورتی کے فوائد کا ایک مکمل مجموعہ ہوتا ہے. یہ اینٹی فنگل اور اینٹی بیکٹیریل ہوتا ہے جو اسےڈائپر ریش کے علاج کے لیے بہترین بناتا ہے۔
سفید سرکہ
ایک چائے کا چمچ سفید سرکہ ایک کپ صاف پانی میں ملائیں۔ جب آپ اپنے بچے کا نیپی تبدیل کریں، تو اس کے نچلے حصے کو محلول سے صاف کریں۔ سرکہ کی تیزابیت پیشاب کے ساتھ توازن برقرار رکھے گی
بریسٹ کا دودھ
اسے آزمانے کے لیے، کچھ چھاتی کا دودھ نکالیں اور چند قطرے ریش پر لگائیں۔ دودھ کے قدرتی طور پر خشک ہونے کا انتظار کریں تاکہ یہ اپنا جادو چلا سکے۔ دودھ خشک ہونے کے بعد، اپنے بچے کو ایک تازہ ڈائپر لگائیں اور جادو دیکھیں۔
