لہسن ہمارے گھروں میں کھانا پکانے کے لیۓ استعمال ہونے والی اشیا میں سے ایک بنیادی جز ہے لہسن غذائی افادیت کے ساتھ ساتھ بہترین طبی خصوصیات کی حامل غذا ہے. لہسن کا استعمال قدیم دور سے غذا کے ساتھ ساتھ بطور دوا بھی دنیا کی قدیم ترین تہذیبوں میں بھی کیا جاتا رہا ہے۔
یہ وٹامن بی 6، وٹامن سی، ميگنیز سلینیم اور فائبر سے بھر پور ہوتا ہے .اس کے علاوہ اس میں دیگر معدنیات اور پروٹین بھی موجود ہوتی ہے جو کہ اس کے طبی فوائد کو مذید بڑھا دیتے ہیں۔
لہسن کے فوائد
عام نزلہ زکام میں کارآمد
ماہرین کی تحقیق کے مطابق لہسن براہ راست نزلہ زکام کی بیماری کے علاج کے لیۓ بطور دوا کوئی خاص اثر نہیں رکھتا ہے. مگر اس کا استعمال انسان کی قوت مدافعت کو بہتر بنا دیتا ہے. جس کے سبب یہ نزلہ زکام کے دورانیۓ میں کمی میں ضرور معاون ثابت ہو سکتا ہے. یعنی اگر نزلہ زکام کی تکلیف عام طور پر کسی مریض کو پانچ دن تک اپنی لپیٹ میں لے سکتی ہے. تو لہسن کے استعمال کے سبب یہ دورانیہ کم ہو کر ڈیڑھ دن تک محدود ہو سکتا ہے۔
لہسن ہائی بلڈ پریشر کے مریضوں کے لیۓ
ہائی بلڈ پریشر کو خاموش قاتل بھی کہا جاتا ہے. جس کے سبب مریض کے دل کے دورے کے سبب ہلاک ہونے کے امکانات بہت بڑھ سکتے ہیں. مگر ماہرین کا یہ ماننا ہے کہ دن میں دو سے چار تری لہسن کے کھانے سے بلڈ پریشر میں اتنی ہی کمی واقع ہو سکتی ہے. جتنی کہ ایک بلڈ پریشر کی گولی کر سکتی ہے .لہذا بلڈ پریشر کی دوا کے ساتھ ساتھ اگر لہسن کا استعمال بھی کیا جاۓ. تو یہ بلڈ پریشر کو کنٹرول کرنے میں معاون ثابت ہو سکتے ہیں۔
اس حوالے سے مذيد معلومات کے لیۓ یہاں کلک کریں
دل کے مریضوں کے لیۓ
.لہسن کی تین سے چار تری کا روزانہ استعمال ,خون میں موجود نقصان دہ کولیسٹرول کی شرح میں 10 سے 15 فی صد تک کمی کا موجب ہو سکتا ہے اور اس طرح انسان دل کے دورے کے خطرے سے محفوظ رہ سکتا ہے
ہڈیوں کو مضبوط کرتا ہے
.چالیس سال سے زیادہ عمر کی خواتین جو مینو پاز کا شکار ہو جاتی ہیں. ان کے جسم میں ہارمونل تبدیلی کے باعث ہڈیاں کمزور ہونا شروع ہو جاتی ہیں مگر لہسن کا استعمال ان خواتین میں ایک ہارمون ایسٹرجن کے افراز کا سبب بنتا ہے .جس سے ہڈیوں کو طاقت ملتی ہے۔
لہسن تھکن بھگاۓ اور چاک و چوبند بناۓ
قدیم یونان میں اولمپک کھیلنے والے کھلاڑیوں کی غذا میں لہسن کا استعمال خاص طور پر کیا جاتا تھا .ان کا ماننا تھا کہ اس سے ایک جانب کھلاڑی جلد تھکتا نہیں ہے. اس کے ساتھ ساتھ چاک و چوبند بھی رہتا ہے. اس کے علاوہ ماہرین کی تحقیق کے مطابق جب دل کے مریضوں کو چھ ہفتوں تک لہسن کا استعمال کروایا گيا۔
.تو اس سے ایک جانب تو ان کی دھڑکنیں مستحکم ہوئيں دوسری طرف ورزش کے دوران ان کے دل کو بھی تقویت رہی
اگرچہ لہسن ان تمام فائدوں کی حامل غذا ہے .مگر اب تک کی تحقیق کے مطابق یہ کسی بھی بیماری کا مکمل علاج نہیں ہے. بلکہ ایک ٹوٹکہ ہے جو کہ علاج میں فائدہ مند تو ہو سکتا ہے. مگر طبیعت کی خرابی کی صورت میں علاج کے لیۓ ڈاکٹر سے رابطہ ضروری ہے
لہسن کا استعمال بطور ٹوٹکا کیا جا سکتا ہے. لیکن صحت کے مسائل کے حل کے لیۓ ڈاکٹر کی اہمیت سے انکار نہیں کیا جا سکتا ہے ۔ صحت کے حوالے سے کسی بھی مسلے کے حل کے لۓ اور آن لائن مستند ڈاکٹر سے مشورے کے لیۓ مرہم ڈاٹ پی کے کی ایپ ڈاون لوڈ کریں. یا پھر 03111222398 پر رابطہ کریں