عید کے موقع پر کاموں سے تھکاوٹ تو خود کو فریش کرنے کے لیۓ یہ ورزش کریں

 عید اپنے ساتھ خوشیوں کے ساتھ کاموں کا ایک انبار  لے کر آتی ہے لیکن کیا آپ جانتے ہیں کہ ورزش کرنے سے عید کی تھکاوٹ سے چھٹکارا پایا جاسکتا ہے ورزش کرنے والے کسی بھی نئے شخص کے لیے، یہ سننا کہ یہ تھکاوٹ کو دور کرے گی حیران کن ہوسکتا ہے ۔ لیکن ہم میں سے جو لوگ فٹ ہوتے ہیں اور باقاعدہ جسمانی سرگرمیاں کرتے ہیں وہ بہتر جانتے ہیں کہ اس بات میں کتنی سچائی ہے۔

ہم جانتے ہیں کہ تھکاوٹ تب محسوس ہوتی ہے جب آپ ایکٹو نہیں ہوتے، یا آپ سست ہوتے ہیں اور آپ کا دل سیڑھیاں چڑھتے ہی دھڑکنے لگتا ہے، اور آپ سارا دن بیٹھے بیٹھے گزارتے ہیں۔

ماہرین کے مطابق، ورزش تھکاوٹ سے لڑنے کا ایک اہم حصہ ہے۔ اچھی خوراک، کافی مقدار میں معیاری نیند، اور اچھی طرح سے منظم تناؤ کے علاوہ، صحیح قسم کی جسمانی سرگرمی توانائی کو بڑھا سکتی ہے اور دن بھر کی تھکاوٹ کو کم کر سکتی ہے۔

ورزش توانائی اور تھکاوٹ کو کیسے متاثر کرتی ہے؟

یہ سچ ہے کہ ایک طویل، شدید سیشن کے بعد ورزش آپ کی توانائی کو ختم کر سکتی ہے، ۔ لیکن باقاعدگی سے، مسلسل ورزش آپ کو تندرست اور صحت مند رکھتی ہے اور باقاعدگی سے کرتے کرتے بالآخر آپ توانائی ملنے کا احساس ہوگا ، اور یہ آپ کو تھکاوٹ کا احساس نہیں ہونے دے گی۔

نئے لوگوں کو اس کے بارے میں قائل کرنا مشکل ہو سکتا ہے، خاص طور پر جب وہ بیٹھے رہتے تھے اور اب ورزش شروع کرتے ہیں۔

پہلا تجربہ تھکا دینے والا ہوتا ہے، لیکن وقت گزرنے کے ساتھ وہ مزید توانائی حاصل کریں گے۔ انہیں یہ سمجھنے میں وقت لگے کا کہ کس طرح باقاعدہ ورزش دراصل توانائی میں اضافہ کرتی ہے۔ 

ہارمونز، تناؤ، اور توانائی کی سطح

کئی ہارمونز توانائی میں کردار ادا کرتے ہیں اور ورزش اور تناؤ سے متاثر ہوتے ہیں۔ درحقیقت، توانائی، تناؤ اور ہارمونز تینوں کے درمیان ایک پیچیدہ تعلق ہوتا ہے۔ جب آپ ورزش کرتے ہیں تو جسم ایپی نیفرین اور نوریپائنفرین خارج کرتا ہے۔

یہ تناؤ کے ہارمونز ہوتے ہیں، لیکن ورزش سے شروع ہونے والی ان چھوٹی مقداریں آپ کو توانائی بخشنے کا کام کرتی ہیں۔ یہی وجہ ہے کہ، آپ اسے کرتے ہوئے بہت تھکا ہوا محسوس کرتے ہیں، بلاک کے ارد گرد ایک تیز چہل قدمی دراصل آپ کو فائدہ پہنچا سکتی ہے۔ اس کے علاوہ، عام طور پر کشیدگی سے لڑنے کے لئے باقاعدگی سے ورزش ایک اچھی حکمت عملی ہوتی ہے. بہت زیادہ تناؤ روزمرہ کی زندگی کا ایک ضمنی اثر ہے جو ہم میں سے بیشتر کو تھکا دیتا ہے۔ 

زیادہ نیند کے ذریعے توانائی بڑھانے کے لیے ورزش کریں۔

زیادہ تر لوگوں نیند کی تجویز کردہ مقدار پوری نہیں کرپاتے یا ان کو کافی نیند نہیں آتی، ماہرین کے مطابق یہ تھکاوٹ اور توانائی کی کمی کی ایک بڑی وجہ ہے۔ باقاعدگی سے جسمانی سرگرمی نیند کی مدت اور معیار کو بہتر بنانے میں مدد کرتی ہے۔ آپ جتنا زیادہ اور بہتر سوتے ہیں، آپ اتنی ہی کم تھکاوٹ کا شکار ہوں گے۔

بہتر فٹنس، بہتر صحت

باقاعدگی سے ورزش اچھی جسمانی تندرستی اور بہتر صحت کا باعث بنتی ہے۔ ورزش خاص طور پر قلبی صحت اور تندرستی کو بڑھاتی ہے اور جسم میں آکسیجن کی گردش کرنے کی صلاحیت کو بہتر بناتی ہے۔ یہ فوری طور پر توانائی کو بہتر بناتی ہے، لیکن وقت گزرنے کے ساتھ ساتھ جسمانی حالت بہتر ہونے پر آپ کو تھکاوٹ بھی کم محسوس ہوتی ہے۔

جب آپ جسمانی طور پر فٹ ہوتے ہیں تو معمول کے مطابق روزانہ کے کام آسان لگتے ہیں اور جلدی ہوجاتے ہیں۔

توانائی کو بڑھانے کے لیے مختلف ورزش کا استعمال

کم شدت والی ورزش آزمائیں۔

جب توانائی کی سطح کم ہو تو، ایک گھنٹہ طویل سیشن کی کوشش کرنا یا چھ میل دوڑنا ماؤنٹ ایورسٹ پر چڑھنے جیسا محسوس ہو سکتا ہے۔ بعض اوقات آپ کو واقعی جس چیز کی ضرورت ہوتی ہے وہ ہے کم شدت والی، ورزش کا مختصر وقفہ۔ اس قسم کی ورزش فوری توانائی کو فروغ دے سکتی ہے۔

یوگا کریں۔

کم شدت والی ورزش کی ایک عمدہ مثال جو ذہنی تناؤ اور تھکاوٹ کو کم کرتے ہوئے مزاج اور توانائی کو بڑھا سکتی ہے یوگا ہے۔

یوگا ابتدائی کوشش کے لیے بہت اچھا ہوتا ہے بلکہ ان لوگوں کے لیے بھی جو باقاعدگی سے ورزشیں کرتے ہیں اور جنہیں توانائی اور تھکاوٹ کو متوازن کرنے کے لیے صحت یابی کے لیے مزید وقت درکار ہوتا ہے۔

تیز واک آؤٹ ڈور شامل کریں۔

چہل قدمی بھی کم شدت والی، توانائی بڑھانے والی ورزش کا ایک بہترین طریقہ ہے یہ کسی بھی وقت کی جا سکتی ہے۔ پارک یا قدرتی علاقے میں چہل قدمی کریں۔ چہل قدمی اچھی ورزش ہے، لیکن تحقیق سے ایسے شواہد بھی ملے ہیں کہ صرف باہر اور فطرت سے گھرا رہنا بھی توانائی کو بہتر بنا سکتا ہے۔ 

اوور ٹریننگ سے پرہیز کریں۔

ورزش ہمیں تھکاوٹ سے لڑنے اور عام طور پر زیادہ توانائی محسوس کرنے میں مدد کرتی ہے، لیکن بہت زیادہ کرنے سے الٹا اثر ہو سکتا ہے۔ اوورٹریننگ بہت زیادہ ورزش کی وجہ سے ہوتی ہے ۔ یہ خوراک سے بھی بڑھ سکتی ہے، خاص طور پر اگر آپ ضرورت سے بہت کم کیلوریز استعمال کررہے ہیں ۔ اوور ٹریننگ کی کچھ علامات میں شامل ہیں۔

کارکردگی میں کمی،

تھکاوٹ ،

سونے میں دشواری یا خراب معیار کی نیند

،بھوک میں کمی

بار بار چوٹیں لگنا ،

مزاج خراب رہنا

اس بارے میں  اپنے ٹرینر سے مشورہ کریں کریں۔ خوراک کی صحیح مقدار کے بارے میں نیوٹریشنسٹ سے بات کریں اور یقینی بنائیں کہ وہ کھانے کی جو تجاویز دیں ان پر مکمل عمل کریں

مرہم کی ایپ ڈاؤن لوڈ کرنے کے لئے یہاں کلک کریں

Android	IOS