ڈلیوری بچے کی پیدائش کا قدرتی عمل ہے۔ حمل کے دوران رحم میں بچہ ہر چیز کے لیےماں پر منحصر رہتا ہے۔ لیکن جیسے ہی ڈلیوری کی مقررہ تاریخ قریب آتی ہے۔ بچے کو سر سے نیچے کی حالت میں منتقل ہونے کی ضرورت ہوتی ہے۔ یہ ضروری ہے کیونکہ اس کا مطلب یہ ہے کہ قدرتی پیدائش کے دوران، بچہ پہلے پیدائشی نالی سے گزرے گا، جس سے ہموار اور محفوظ ڈلیوری کے امکانات بڑھ جائیں گے۔
جب ڈلیوری ہوتی ہے، تو آپ کا بچہ عام طور پر سر کے ذریعے باہر آتا ہے، جسے ورٹیکس پوزیشن بھی کہا جاتا ہے۔ دوران حمل بچے کا سر نیچے کی جانب آنے کا صحیح وقت اور اس کی علامات کیا ہوسکتی ہیں اس بلاگ میں آپ سے شیئرکریں گے۔ دوران حمل جسمانی حالت کی وجہ سے اگر میل جول میں کسی قسم کی پریشانی یا شرمندگی کا سامنا محسوس ہوتا ہے تو اس مسئلہ کے حل کے لیۓ قابل بھروسہ ماہرین سے یہاں سے رجوع فرمائیں۔
ڈلیوری سے قبل بچے کا سر نیچے کی جانب آنے کا صحیح وقت
بچے کا سر نیچے کی جانب آنے کا صحیح وقت حمل کے تیسرے سہ ماہی کے آخر میں ہوتا ہے۔ یہ اس وقت ہوتا ہے جب بچے کا سر لیبر پین کی موجودگی میں کمر میں نیچے کی طرف جاتا ہے۔ اسے لائٹننگ بھی کہا جاتا ہے، بچےکا سر نیچے کی جانب آنا اس بات کی علامت ہے کہ بچہ پیدا ہونے کے لیے تیار ہے۔ ڈلیوری سے پہلے، بچہ گھوم سکتا ہے، اس لیے اس کے سر کا پچھلا حصہ پیٹ کے اگلے حصے کی طرف ہوتا ہے اورسر نیچے کی طرف ۔ جب بچہ پیلوس میں چلاجاتا ہے تو اس کا مطلب ہے کہ یہ ڈلیوری کے لیے تیار ہے۔
ڈلیوری سے قبل بچے کی پوزیشن
ڈلیوری سے پہلے کے کچھ ہفتوں میں، بچہ اپنا سر وجائنا کے اوپر رکھنے کے لیے حرکت کرتا ہے۔ ڈلیوری سے پہلے، بچہ اندر کی پوزیشن بدل سکتا ہے۔ لیکن جب لیبرپین شروع ہوتے ہیں، بچے عام طور پر ورٹیکس پوزیشن میں چلے جاتے ہیں۔ وہ وجائنا کے منہ کھلنے تک نیچے کی طرف زور لگاتے ہیں۔ ڈاکٹر بچے کو اس وقت تک دھکیلنے میں مدد کر سکتی ہے جب تک کہ اس کا سر باہر آنے کے لیے تیار نہ ہو۔ بچے کے سر کی باہر نکلنے کی کوشش وجائنا کے ارد گرد جلد اور پٹھوں کو پھیلانے میں بھی مدد کرتی ہے۔
پہلی بار حاملہ خواتین میں علامات
بچے کے سر کی نیچے کی جانب آنے کی علامات ہر عورت کے لئے مختلف ہوتی ہیں۔ کوئی مقررہ دن یا ہفتہ نہیں ہے کہ خواتین اس کی توقع کریں۔ کچھ خواتین کے لیے یہ لیبر شروع ہونے کے ساتھ ہی ہوتا ہے یا اس سے چند گھنٹے پہلے۔ وہ عورتیں جو پہلی بار حاملہ ہوتی ہیں ان کو معلوم ہو سکتا ہے کہ بچے کے سر کا نیچے آنا لیبر سے کچھ دن یا ہفتے پہلے ہوتا ہے۔
اس کی وجہ یہ ہو سکتی ہے کہ لیبر شروع ہونے سے پہلے ان کے پیلوس کے پٹھوں کو پیدائشی پوزیشن کے مطابق ہونے کی ضرورت ہوتی ہے۔ بعض اوقات یہ لیبر شروع ہونے سے چند ہفتے پہلے ہو سکتا ہے۔ بچے کے سر کا نیچے آنا ان خواتین کے لیے لیبر پین کے قریب ہو سکتا ہے جو پہلے بچے پیدا کر چکی ہیں۔ اس کی وجہ یہ ہے کہ ان کا جسم پہلے بھی لیبر سے گزر چکا ہے، اس لیے ان کی پیلوس کو اس عمل میں ایڈجسٹ ہونے کے لیے کم وقت درکار ہو سکتا ہے۔
اگر کسی حاملہ کو محسوس ہو کہ بچے کا سر نیچے کی جانب آگیا ہے، تو اسے ڈاکٹر سے بات کرنی چاہیے۔ ڈاکٹر بچے کی پوزیشن کی جانچ کر سکتا ہے، جس سے انہیں اندازہ لگانے میں مدد ملتی ہے کہ لیبرپین کب شروع ہو سکتے ہیں۔ ۔ دوران حمل صحت بخش غذائی چارٹ کے حصول کیلئے ماہر ڈائیٹیشین سے رابطے کیلئے اس لنک پر کلک کریں۔
بچے کا سر نیچے آنے کی علامات
ڈلیوری کے قریب وقت میں کچھ خواتین اچانک اندرونی حرکت کے طور پر بچے کے نیچے آنے کو محسوس کر سکتی ہیں۔ کچھ کو یہ بالکل بھی محسوس نہیں ہوسکتا ہے۔ کچھ خواتین محسوس کر سکتی ہیں کہ بچہ نیچے آنے کے بعد ان کا پیٹ ہلکا محسوس ہوتا ہے۔ اس کی وجہ یہ ہو سکتی ہے کہ بچہ کمر میں نیچے کی جانب آجاتا ہے، اورپیٹ کے درمیان میں زیادہ جگہ رہ جاتی ہے۔ درج ذیل میں کچھ علامات بیان کی جارہی ہیں جو بتاتی ہیں کہ بچے کا سر نیچے کی طرف آگیا ہے۔
پیٹ کا سارا وزن اچانک یا آہستہ آہستہ نیچے کی طرف آجانا، جیسے جیسے بچہ پیلوس کی طرف آتا جاتا ہے اس جگہ پر دباؤ بڑھ سکتا ہے، کچھ خواتین کو پیلوس میں درد کی ٹیس محسوس ہو سکتی ہے۔ اس کی وجہ بچے کے سرکا پیلوس کی جانب زور لگانا ہو سکتا ہے۔ بچے کے نیچے آنے کے بعد ڈایافرام پر دباؤ کم ہوتا ہے۔ اس سے سانس لینے میں آسانی ہو سکتی ہے۔ سیال دار مادہ وجائنا سے جیلی یا زردی کی طرح خارج ہو سکتا ہے۔
جب بچہ کمر میں نیچے کی جانب آجاتا ہے، تو اس کا سر مثانے پر دباؤ ڈال سکتا ہے۔ اس سے عورت کو اکثر پیشاب کرنے کی ضرورت پڑ سکتی ہے۔ اس سے کمر کے نچلے حصے کے پٹھوں پر اضافی دباؤ پڑ سکتا ہے۔ اس سے کمر میں درد ہو سکتا ہے۔ بچے کے نیچے کی طرف آجانے سے پیٹ پر دباؤ کم ہو سکتا ہے۔ یہ سینے کی جلن کو کم کر سکتا ہے اور بھوک میں اضافہ کر سکتا ہے۔ اگر آپ یا آپ کے عزیز میں سے کوئی حمل آخری ہفتوں میں ان علامات کا شکار ہیں تو ماہر اور قابل بھروسہ گائناکالوجسٹ سے مشورے کے لئے یہاں کلک کریں۔
مرہم ایپ کو ڈاؤن لوڈ کرنے کے لیۓ یہاں کلک کریں
| Android | IOS |
|---|---|
 |
 |
