شدید گرمی کی تھکاوٹ اس وقت ہوتی ہے جب آپ کا جسم زیادہ گرم ہوتا ہے اور خود کو ٹھنڈا نہیں کر سکتا۔ یہ عام طور پر گرم موسم میں جسمانی سرگرمی کے نتیجے میں ہوتا ہے۔ علامات میں چکر آنا، الجھن اور متلی شامل ہیں۔ یہ عام طور پر پانی پینے اور ٹھنڈی جگہ پر آرام کرنے سے بہتر ہوتے ہیں اور بروقت علاج نہ ہونے کی وجہ سے گرمی کی تھکاوٹ ہیٹ اسٹروک کا باعث بن سکتی ہے جو ایک جان لیوا حالت بھی ہوسکتی ہے۔
شدید گرمی کی تھکاوٹ ایک ایسی حالت ہے جس کی علامات میں بھاری پسینہ اور نبض کا تیز چلنا شامل ہوسکتا ہے، جو آپ کے جسم کے زیادہ گرم ہونے کا نتیجہ ہوتے ہیں۔ اس قسم کی حالت کو بگڑنے سے بچانے کے لیے آپ فوری مرہم پہ تجربہ کار ڈاکٹر سے رابطہ کریں یا پھر 03111222398 پہ کال کریں۔
۔1 شدید گرمی کی تھکاوٹ کی علامات ۔۔۔
گرمی کی تھکاوٹ کی علامات آہستہ آہستہ پیدا ہوسکتی ہیں یا اچانک بھی ظاہر ہوسکتی ہیں۔ اس کی علامات ظاہر ہونے سے پہلے، آپ کو سرخ دانے (گرمی کے دانے) یا گرمی میں کھنچاؤ سا پیدا ہوسکتا ہے۔ یہ تکلیف دہ پٹھوں کا کھنچاؤ کسی بھی پٹھوں کو متاثر کر سکتی ہے، لیکن یہ عام طور پر بازوؤں یا ٹانگوں میں ہوتی ہے۔ گرمی کی تھکاوٹ کی علامات میں شامل ہو سکتے ہیں۔
۔1 چکر آنا، سرکا ہلکا ہونا ، دھندلا نظر آنا اور سر درد۔
۔2 بخار، عام طور پر 100 ڈگری فارن ہائیٹ سے زیادہ. جسم کا عام درجہ حرارت 98 ایف ہوتا ہے۔
۔3 تھکاوٹ، کمزوری یا بے ہوشی۔
۔4 متلی اور قے کا آنا۔
۔5 تیز اور اکھڑی سانسیں۔
۔6 شدید یا زیادہ پسینہ اور نم جلد۔
۔7 پاؤں اور ہاتھوں میں ٹخنوں کی سوجن (ہیٹ ایڈیما)
۔8 تیز دل کی دھڑکن اور کم بلڈ پریشر ہونا جب آپ کھڑے ہوتے ہیں تو چکر آنا (آرتھوسٹیٹک ہائپوٹینشن)۔
الیکٹرو لائٹس معدنیات (جو سوڈیم اور پوٹاشیم) ہیں جو آپ کے جسم کو اس طرح کام کرنے میں مدد کرتے ہیں جس طرح اسے کرنا چاہئے۔ اگر آپ کا جسم بہت زیادہ پانی اور سوڈیم (نمک) کھو دیتا ہے اور آپ اس کمی کو پورا نہیں کرپاتے ہیں، تو آپ پانی کی کمی کا شکار ہو جاتے ہیں۔ پانی کی کمی شدید گرمی کی تھکاوٹ کا باعث بن سکتی ہے۔
۔2 جسم میں سوڈیم کی کمی کی وجوہات۔۔۔
میڈیکل سائنس میں سوڈیم کی کمی کو ہپنوتھرمیا کہا جاتا ہے اور اس کے پیدا ہونے کی کئی وجوہات ہو سکتی ہیں جن میں پسینہ آنا، بہت زیادہ الٹی اور ڈائیریا ہونا، جسم میں پانی کی کمی، گردے کی خرابی، جگر کی خرابی، دل کی کوئی بیماری، ہارمونز کی خرابی وغیرہ شامل ہیں۔
شدید گرمی کی بیماری کا خدشہ ان افراد کو زیادہ ہوتا ہے۔۔۔۔۔۔
۔1 جو گرم علاقوں میں رہتے ہیں
۔2 جن کی عمر زیادہ ہے
۔3 کم پانی پینے والے
۔4 اینٹی ڈپریسنٹ گولیاں کھانے والے
۔5 کھانے میں نمک استعمال نہ کرنے والے
۔6 دل، جگر اور گردوں والے لوگ شامل ہیں
۔3 شدید گرمی کی تھکاوٹ کو روکنے کے لئے۔۔۔
شدید گرمی سے بچنے کے لیے آپ یہ اقدامات کرسکتے ہیں۔
۔1 شدید گرمی میں رہنے سے گریز کریں
اگر آپ گرم موسم میں ورزش کر رہے ہیں یا کوئی جسمانی کام کر رہے ہیں تو ڈھیلے اور سانس لینے کے قابل لباس پہنیں۔ سایہ یا کسی اور ٹھنڈے مقام میں بار بار اس سے وقفہ ضرور لیں۔ جب آپ دھوپ والے دن باہر ہوں تو اپنے آپ کو دھوپ سے بچانے کے لئے ٹوپی پہنیں۔ تاکہ سر گرم نہ ہوسکے۔
۔2 خوب پانی پئیں
ہر 30 منٹ یا اس سے زیادہ وقت میں پانی پئیں یا کھیلوں کے صحت بخش مشروبات کے گھونٹ لے کر ہائیڈریٹ رہیں۔ اس وقت تک انتظار نہ کریں جب تک آپ کو پیاس نہ لگے۔ آپ اس عمل کو بار بار دہرا کے گرمی کی تھکاوٹ کے امکان کو کم کرسکتے ہیں اس سے پتہ چلتا ہے کہ آپ کے جسم میں اتنا پانی ہے کہ جس کی آپ کو ضرورت ہوتی ہے۔
۔3 شدید گرمی کےخطرے کو جانیں
اگر آپ پیشاب آور دوائیں یا دیگر ادویات لیتے ہیں جو پانی کی کمی کا باعث بن سکتی ہیں تو گرمی میں اضافی احتیاطی تدابیر اختیار کرنے کے بارے میں ڈاکٹر سے بات کریں۔ اگر آپ کو پہلے گرمی کی بیماری ہوئی ہے، تو آپ میں گرمی کی تھکاوٹ پیدا ہونے کا امکان زیادہ ہوسکتے ہیں۔
۔4 گاڑیوں میں درجہ حرارت کنٹرول رکھیں
کار کے اندر درجہ حرارت بہت تیزی سے خطرناک سطح تک بڑھ سکتا ہے۔ بچوں (یا پالتو جانوروں) کو کبھی بھی کھڑی کار میں کھیلنے یا انتظار کرنے نہ دیں۔ یہاں تک کہ اگر آپ کھڑکیاں کھلی چھوڑ دیں، تب بھی گرم دن میں کار میں بیٹھنا خطرناک ہوسکتا ہے۔
۔5 اپنی سرگرمیوں کا وقت تبدیل کریں
گرم دنوں میں، صبح سویرے یا دن میں دیر سے ورزش کرنا بہت اچھا ہے، کیونکہ اس وقت درجہ حرارت کم ہوتا ہے۔
شدید گرمی کی تھکاوٹ میں گرمی کی بیماری کی ایک سنگین قسم ہے۔ علاج نہ ہونے کی وجہ سے صحت کے شدید مسائل پیدا ہوسکتے ہیں اور موت واقع ہو سکتی ہے۔ اگر آپ یا آپ کے بچے میں گرمی کی تھکاوٹ کی علامات ظاہر ہوتی ہیں، تو ٹھنڈی جگہ پر آرام کرنا اور کافی پانی پینا بہت ضروری ہے۔
اگر علامات تقریبا ایک گھنٹے کے بعد بھی بہتر نہ ہوں تو فوری طبی مدد حاصل کرنے کے لیے ڈاکٹر سے رابطہ کریں۔ گرمی کی تھکاوٹ کو روکنے کے لئے، ہائیڈریٹ رہیں، خاص طور پر اگر آپ گرم موسم میں ورزش کر رہے ہیں۔ اگر آپ کو پیاس یا کمزوری محسوس ہوتی ہے تو اپنے جسم کی بات سنیں، اور اپنے جسم کو آرام دینے کے لئے بار بار وقفہ لیں۔