مشروم اپنے بہترین ذائقے اور حیرت انگیز صحت کے فوائد کی وجہ سے بڑے پیمانے پر جانا جاتا ہے۔ یہ وٹامنز اور معدنیات سے بھرے ہوئے ہوتے ہیں، وہ آپ کی خوراک میں بہترین اضافہ کرتے ہیں، اور بہت سی مختلف ترکیبوں میں ذائقہ ڈالتے ہیں۔
کریمینی سب سے زیادہ استعمال ہونے والی مشروم کی اقسام میں سے ایک ہیں، جو دنیا بھر کے ہر دوسرے کچن میں استعمال ہوتے ہیں۔ بہت سے لوگوں کو یہ معلوم نہیں ہوتا ہے کہ یہ، بشمول کریمینی ، دراصل فنگس کی ہی کی ایک قسم ہے۔
مشروم سے وابستہ صحت کے فوائد
یہ ایک کم کیلوری والا کھانا ہوتا ہے جو غذائیت سے بھرپور ہوتا ہے۔ یہ بہت سے صحت کو فروغ دینے والے وٹامنز، معدنیات اور اینٹی آکسیڈنٹس سے بھرے ہوئے ہوتے ہیں، انہیں طویل عرصے سے غذا کا ایک اہم حصہ تسلیم کیا جاتا رہا ہے۔
کریمینی کھمبیاں وٹامن ڈی اور زنک کا بہترین ذریعہ ہیں، ۔ زنک مدافعتی نظام کے لیے ایک بہت اہم غذائیت ہوتک ہے اور شیر خوار بچوں کی بہترین نشوونما کو یقینی بنانے کے لیے بھی ضروری ہوتا ہے۔
مزید برآں، محققین نے آپ کی خوراک میں کھمبیوں کو شامل کرنے کی کئی دوسری بہترین وجوہات بھی تلاش کی ہیں، جیسے:
کم بلڈ پریشر
یہ پوٹاشیم کے بھرپور ذرائع میں سے ایک ہیں، یہ ایک ایسی غذائیت ہے جو آپ کے جسم پر سوڈیم کے منفی اثرات کو کم کرنے کے لیے جانا جاتا ہے۔ پوٹاشیم خون کی نالیوں میں تناؤ کو بھی کم کرتا ہے، اور ممکنہ طور پر بلڈ پریشر کو کم کرنے میں مدد کرتا ہے۔
مدافعتی نظام کو فروغ دیتا ہے
مشروم یا کھمبیوں کا سوزشی اثر مدافعتی نظام کی کارکردگی کو بہتر بنانے کے لیے مانا جاتا ہے۔ تحقیق سے پتا چلا ہے کہ کھمبیاں مدافعتی نظام میں مائیکرو فیجز کو متحرک کرنے میں مدد کرتی ہیں، اور بیماریوں کو شکست دینے کی کی صلاحیتوں کو بڑھاتی ہیں اور آپ کو سنگین بیماریوں کے لیے کم حساس بناتی ہیں۔
وزن میں کمی
طویل اور قلیل مدتی مطالعات میں یکساں طور پر پایا گیا ہے کہ کھمبیاں ، ورزش اور طرز زندگی کی دیگر تبدیلیوں کے ساتھ وزن میں کمی پر اہم اثر ڈال سکتی ہیں۔ مثال کے طور پر، ۔ کھمبیوں میں موجود اینٹی آکسیڈنٹس ہائی بلڈ پریشر اور دیگر میٹابولک عوارض کے خطرے کو بھی کم کرتے ہیں۔
ایک قدرتی اینٹی بائیوٹک
چونکہ پینسلن (ادویات میں استعمال ہوتی ہے) مشروم سے نکالی جاتی ہے، اس لیے یہ دریافت کرنا کوئی بڑی تعجب کی بات نہیں ہونی چاہیے کہ وہ اینٹی بائیوٹک کے کام کو کیسے پورا کر سکتے ہیں۔ لہذا، اگر آپ اپنی خوراک میں اس کو شامل کرتے ہیں، تو یہ انفیکشن کے خلاف آپ کی مزاحمت کو بہتر بناتا ہے اور آپ کے مدافعتی نظام کو مضبوط کرتا ہے۔
سائنسدانوں نے یہ بھی دریافت کیا ہے کہ کھمیوں کے مرکبات السر کے لیے شفا یابی کے عمل کو تیز کرتے ہیں۔ اگرچہ آپ اس کو اپنی ضرورت کے مطابق اینٹی بائیوٹکس لینے کے متبادل کے طور پر استعمال نہیں کر سکتے ہیں، لیکن اگر آپ انہیں اپنے ڈائٹ پلان میں شامل کرتے ہیں تو آپ ایسے حالات سے بچ سکتے ہیں جہاں آپ کو ایسی ادویات کی ضرورت ہو۔
کینسر کے خطرے کو کم کرتا ہے۔
اس مہلک بیماری کا علاج تلاش کرنے کی جدوجہد کئی سالوں سے طبی محققین پر قابض ہے۔ یہ یقین کرنا مشکل لگتا ہے کہ خطرات کو کم کرنے کا ذریعہ لیبارٹری ٹیسٹنگ ٹیوب کے بجائے باورچی خانے میں مل سکتا ہے۔ حوصلہ افزا شواہد موجود ہیں کہ مشروم میں ایسے مواد ہوتے ہیں جو خلیوں کی حفاظت کو بہتر بناتے ہیں اور ٹیومر کو بڑھنے سے روکنے میں مدد کرتے ہیں۔
مشروم میں گلوکین اور کنجوگیٹڈ لینولک ایسڈ شامل ہوتے ہیں جو چھاتی اور پروسٹیٹ کینسر کے امکانات کو کم کرتے ہیں۔
-
آئرن کی کمی کو دور کرتے ہیں
اگر کسی شخص کے خون میں آئرن کی کمی ہو تو وہ بالآخر خون کی کمی کا بھی شکار ہو جاتے ہیں۔ ایک بار جب یہ حالت پیدا ہو جاتی ہے، تو وہ تھکن کا شکار ہونے لگتے ہیں اور ہاضمے کے مسائل کا سامنا کرنا پڑتا ہے۔ وہ اپنی معمول کی سطح پر سوچ یا کام نہیں کر سکتے اور اکثر سر میں بھی درد شروع ہو جاتا ہے۔
ڈاکٹر اس کمی کے لئے آئرن سپلیمنٹس تجویز کر سکتا ہے، لیکن مشروم ایک قدرتی اور بہت مؤثر متبادل پیش کرتے ہیں۔ جسم تقریباً تمام آئرن کو جذب کر لیتا ہے جو وہ مشروم سے نکالتا ہے۔ یہ خون کے سرخ خلیات کو بڑھنے کی ترغیب دیتا ہے اور خون کی کمی کے خطرات کو نمایاں طور پر کم کرتا ہے۔
مشروم تیار کرنے کا طریقہ
مشروم کسی بھی گروسری یا ہیلتھ فوڈ اسٹور کے پروڈکشن سیکشن میں تقریباً ہمیشہ آسانی سے دستیاب ہوتے ہیں۔ ان کو جنگلل سے حاصل کرنے کی سفارش نہیں کی جاتی ہے کیونکہ مشروم کی بہت سی قسمیں زہریلی ہوتی ہیں اور خود سے فرق کرنا مشکل ہوتا ہے۔
کریمینی مشروم کو کچا بھی کھایا جا سکتا ہے یا پکایا جا سکتا ہے، کٹے ہوئے یا بغیر کٹے ہوئے کو بھی کھایا جا سکتا ہے۔ انہیں پانی کے برتن میں تقریباً 5 منٹ تک ابال کر نرم ہونے تک ابالیں یا ان کو گرم گھی کی کڑاہی میں بھی بھونا جا سکتا ہے۔ مشروم کو زیتون کے تیل کے ساتھ ایک پین میں درمیانی آنچ پر تقریباً آٹھ منٹ تک پکائیں، اس وقت تک کثرت سے ہلاتے رہیں جب تک کہ وہ کناروں سےبراؤن نہ ہوجائیں۔
کٹے ہوئے مشروم کو کھانوں پر کچا ڈالا جاسکتاہے ۔ بس پہلے ان کو اچھی طرح دھو لیں۔
مرہم کی ایپ ڈاؤن لوڈ کرنے کے لئے یہاں کلک کریں
| Android | IOS |
|---|---|
 |
 |
