آنکھوں کے نیچے نمودار ہونے والی جھریوں سے کیسے چھٹکارا حاصل کریں؟

 آنکھوں کے نیچے جھریاں عمر بڑھنے کے عمل کا قدرتی حصہ ہیں اور بے ضرر ہیں۔ جیسے جیسے عمر بڑھتی جاتی ہے، جلد خود کو دوبارہ نیا کرنے یا ٹھیک کرنےکی صلاحیت کھو دیتی ہے۔ آنکھوں کے نیچے والے حصے کی جلد خاص طور پر عمر بڑھنے کے عمل کے لیے حساس ہوتی ہے کیونکہ یہ پتلی ہوتی ہے۔ نتیجے کے طور پر، وقت کے ساتھ آنکھوں کے نیچے جھریاں پیدا ہونا عام بات ہے۔

اس آرٹیکل میں، ہم یہ بتائیں گے کہ جھریاں کیسے بنتی ہیں، آنکھوں کے نیچے جھریوں کی مختلف اقسام کی وجوہات کیا ہیں، اور کئی گھریلو علاج اور طبی علاج کا خاکہ پیش کریں گے۔

آنکھوں کے نیچے نمودار ہونے والی جھریوں کی اقسام اور ان کی وجوہات

جلد کو نم رکھنے والی موئسچرائزنگ مصنوعات آنکھوں کے گرد باریک لکیروں کو کم کرنے میں مدد کر سکتی ہیں۔ لوگوں کی آنکھوں کے نیچے ایک یا زیادہ قسم کی جھریاں ہو سکتی ہیں، جن میں سے ہر ایک مختلف وجہ سے ہوتی ہے۔ جھریوں کی اقسام کچھ اس طرح سے ہو سکتی ہیں۔

متحرک جھریاں

وقت گزرنے کے ساتھ، جلد کے نیچے پٹھوں کا بار بار سکڑنا متحرک جھریوں کا سبب بن سکتا ہے۔ متحرک جھریاں اس وقت ظاہر ہوتی ہیں جب جسم کے اعضاء زیادہ کام کر رہے ہوتے ہیں۔ مثال کے طور پر، جب کوئی ہنستا یا مسکراتا ہے، یا چیختا چلاتا ہے۔ متحرک جھریاں عام طور پر بھنویں اور پیشانی کے درمیان بنتی ہیں۔ کوے کے پاؤں جیسی شکل میں، جو آنکھوں کے باہر کونوں کے قریب جھریاں ہیں، یہ بھی متحرک جھریوں کی ایک مثال ہیں۔

ٹھوس جھریاں

جلد کو پہنچنے والے نقصان سے ٹھوس جھریاں پڑ جاتی ہیں، جو پر سکون چہرے کے پٹھوں پر بھی نظر آتی ہیں۔ وقت کے ساتھ، متحرک جھریاں ٹھوس جھریاں بن سکتی ہیں۔ سورج کی تپش، تمباکو نوشی، اور ناقص غذائیت یہ سب ٹھوس جھریوں کا سبب بن سکتی ہیں۔

جھریوں کی تہہ

چہرے کے خدوخال سے تعلق رکھنے والی جھریاں،  جھریوں کی تہہ کا سبب بنتی ہیں۔ یہ عام طور پر ناک اور منہ کے درمیان نالیوں میں بنتی ہیں، لیکن یہ آنکھوں کے نیچے بھی ہو سکتی ہیں۔

آنکھوں کے نیچے نمودار ہونے والی جھریوں کا گھریلو علاج

بہت سے لوگ آنکھوں کے نیچے جھریوں کی ظاہری شکل کو بہتر بنانے کے لیے گھریلو علاج کی طرف رجوع کرتے ہیں۔ مختلف گھریلو علاج، جیسے کھیرے کے ٹکڑے آنکھوں پر رکھنا یا کیلے کا چہرے پر ماسک لگانا، کئی سالوں سے مقبول ہیں، لیکن اس بات کی تصدیق کرنے کے لیے بہت کم سائنسی ثبوت موجود ہیں کہ یہ طریقے کارگر ہیں۔ تحقیق بتاتی ہے کہ سبز چائے اور انار جیسی غذاؤں میں ایک کیمیائی مرکب پولیفینول جھریوں کو روکنے میں مدد کر سکتا ہے اور وٹامن سی کریم کا استعمال جھریوں کی ظاہری شکل کو کم کر سکتا ہے۔

کاسمیٹک مصنوعات

گروسری اسٹورز میں سیکڑوں اینٹی ایجنگ مصنوعات اور آئی کریمز فروخت ہو رہی ہیں، لیکن ان کے اثرات کے بارے میں مختلف راۓ ہیں۔ سوسائٹی فار ڈرمیٹولوجک سرجری لوگوں کو خبردار کرتی ہے کہ کوئی بھی ایسی مصنوعات خریدنے سے ہوشیار رہیں  جو معجزاتی اثرات کا وعدہ کرتی ہو۔

ماہرین کامشورہ ہے کہ آنکھوں کے گرد باریک لکیروں کو کم کرنے میں مدد کے لیے موئسچرائزر استعمال کریں۔ وہ پروڈکٹ استعمال کریں جسےکمپنی نے خاص طور پر جھریوں کے علاج کے لیے ڈیزائن کیا ہو۔ چند دنوں یا ہفتوں کے اندر ایک سے زیادہ اینٹی ایجنگ پروڈکٹ جو آپ کی جلد کو جوان نظر آنے میں مدد کرتی ہیں۔ ان کےاستعمال سے گریز کریں۔ ایسی مصنوعات کا استعمال کریں جو جلد کی قسم کے لیۓ موزوں ہو۔ ایسی مصنوعات کا استعمال کریں جن میں الرجی کا امکان نہیں ہوتا ۔اپنی جلد کی قسم کے متعلق جاننے کے لیۓ ماہر اور مستند ڈرماٹولوجسٹ سے رابطہ یہاں سے کریں۔

کاسمیٹک اور طبی علاج

جھریوں کے لیے بہت سے کاسمیٹک اور طبی علاج دستیاب ہیں۔ یہ گھریلو علاج اور بیوٹی پروڈکٹس کے مقابلے میں زیادہ موثر ہوتے ہیں، لیکن ان کے  عارضی مضر اثرات بھی ہوتے ہیں۔ جھریوں کے لیے کاسمیٹک اور طبی علاج کے لیۓ مستند ڈاکٹر سے رجوع کرنے کے لیۓ یہاں کلک کریں۔

چہرے کی تازگی

چہرے کو دوبارہ نیا کرنے کے دوران، ایک تربیت یافتہ ، پیشہ ور ڈاکٹر جلد میں بوٹولینم ٹاکسن، یا بوٹوکس نامی مادہ انجیکشن کے ذریعے داخل کرتا ہے۔ یہ متحرک جھریوں کی قسم کے علاج کے لیے استعمال ہوتا ہے۔ یہ جھریوں کے نچلے پٹھوں کو حرکت کرنے سے روکنے کا کام کرتا ہے۔ بہتری تین سے چار ماہ تک رہتی ہے۔ مضر اثرات میں طویل مدتی پٹھوں کا فالج، بیل کا فالج، اور  آنکھوں کا مستقل نقصان شامل ہیں۔ ان علامات کے ظاہر ہونے کی صورت میں ماہر ڈاکٹر سے مشورے کے لیے مرہم ڈاٹ پی کے کی ویب سائٹ وزٹ کریں یاپھر 03111222398 اس نمبر پر رابطہ کریں۔

فلرز

ڈاکٹر فلرز کو نرم ٹشو فلرز یا ڈرمل فلرز کہتے ہیں۔ لوگ ان کا استعمال کھوکھلی جگہوں پر مکمل پن لانے یا ان جگہوں کو بھرنے  کے لیے کرتے ہیں، جیسے کہ بعض اوقات یہ کھوکھلی جگہ آنکھوں کے نیچے نشوونما پاتی ہیں۔ طریقہ کار کے دوران، ایک تربیت یافتہ اور پیشہ ور ڈاکٹر  آنکھ کے نیچے کی جلد میں کولیجن یا ہائیلورونک ایسڈ کا انجیکشن لگاتا ہے۔ اثرات عام طور پر فوری ہوتے ہیں۔ اس طریقہ کار کے لیۓ بہترین پیشہ ور ڈاکٹر سےرابطہ کرنے کے لیۓ یہاں کلک کریں۔

 مضر اثرات میں زخم، خون بہنا، اور انفیکشن شامل ہیں، اور کچھ لوگوں کو فلر سے الرجی ہو سکتی ہے۔ سنگین پیچیدگی میں، فلرز پانی کی رکاوٹ کا باعث بن سکتے ہیں، جو ٹشو کی موت کا سبب بن سکتے ہیں۔

آنکھوں کے نیچے نمودار ہونے والی جھریوں کی روک تھام

جھریاں عمر بڑھنے کا ایک ناگزیر حصہ ہیں، لیکن لوگ ان کو روکنے کے لیے اقدامات کر سکتے ہیں۔ یہ اقدامات کچھ اس طرح سے ہوسکتے ہیں۔ ہر روز کم از کم تیس ایس پی ایف کے ساتھ سن اسکرین لگانا ، سن ٹین یعنی دھوپ کی تمازت سے خود کو بچائیں، جلد کو نم رکھیں ، تمباکو نوشی سے پرہیز کریں، صحت مند، متوازن غذا کھائیں۔