کینسر ایک مہلک بیماری ہے جو کسی خاص فرد کو خاص عمر میں نہیں ہوتی بلکہ کبھی بھی کسی کو بھی ہو سکتی ہے۔ اس سے کوئی فرق نہیں پڑتا کہ کوئی کتنا امیر ہے یا غریب، بوڑھا یا جوان، کوئی بھی اس کا شکار ہو سکتا ہے۔ بیماری کوئی بھی ہو۔ ہر عمر کے فرد کے لئے تکلیف دہ ہے۔ تاہم اگر یہ کینسر جیسی مہلک بیماری ہو اور کسی معصوم بچے کو ہو تو تکلیف دوگنی معلوم ہوتی ہے۔
امریکی ریاست یوٹاہ کے شہر ورنل سے تعلق رکھنے والی بچی لولا بیتھ ایک ایسی ہی بدقسمت بچی ہے جس نے محض چار برس کی عمر میں کینسر جیسے موذی مرض کا دلیری سے سامنا کیا اور صحت یابی پائی۔
ولمس ٹیومر
چار سالہ لولا بیتھ باؤڈن ایک پیاری اور اپنی عمر کے لحاظ سے بہت سمجھ دار بچی ہے۔ اپنی والدہ کرسٹن باؤڈن کے ساتھ ہنسی خوشی رہ رہی تھی جب اسے مارچ 2020 میں ڈاکٹروں نے بتایا کہ اس کے گردے میں ولمس ٹیومر ہے جو ایک قسم کا پیڈیاٹرک کینسر ہے۔ یہ اطلاع لولا کے خاندان پر بجلی بن کر گری۔ لیکن وہ سب جانتے تھے کہ یہ جنگ لولا نے اپنی زندگی کی بقاء کے لئے ہر حال میں لڑنی ہے۔
ماہرپیڈیاٹرک کینسر سپیشلسٹ سے مشورے کیلئے اس لنک پر کلک کریں۔
کڑی آزمائش
لولا بیتھ کی والدہ کرسٹن باؤڈن جو ایک فوٹوگرافر ہیں نے اپنی بچی کی صحت اور بیماری کے حوالے سے گڈ مارننگ امریکہ کو انٹرویو دیا۔ لولا بیتھ کو کینسر کی تشخیص اور خاندان کی پریشانی کا ذکر کرتے ہوئے انہوں نے بتایا کہ : “
کینسر کے ماہر معالج سے مشورے کیلئے اس لنک پر کلک کریں۔
“ہم آئے روز کینسر سے متاثرہ لوگوں کے بارے میں ٹی وی پر دیکھتے اور اخبارات میں پڑھتے ہیں۔ ہمیں ان تمام لوگوں سے ہمدردی ہوتی ہے۔ مگر ہمیں ان کی تکلیف کا صحیح اندازہ تب ہوتا ہے جب ہم خود کینسر کی تکلیفوں سے گزرتے ہیں۔ یہ ایک اذيت ناک تجربہ تھا۔ ہم نے کبھی نہیں سوچا تھا کہ ہم پر بھی کبھی ایسا کڑا وقت آئے گا۔”
سرجری
ڈاکٹروں نے لولا بیتھ کے متعدد معائنے کئے۔ جس کے بعد وہ اس نتیجے پر پہنچے کہ اس کینسر کو مزید پھیلنے سے روکنے کے لئے سرجری ہی واحد حل ہے۔ ننھے فرشتے کو نہ صرف بڑی رسولی نکالنے کے لیے گہری سرجری سے گزرنا پڑا بلکہ ڈاکٹروں کو اس کا پورا گردہ بھی نکالنا پڑا۔
کیموتھراپی
کینسر کے مریضوں کے لئے کینسر اور سرجری سے بھی زیادہ اذیت ناک مرحلہ کیموتھراپی کروانے کا ہوتا ہے۔ سرجری کے بعد اگلے 22 ہفتوں میں، لولا بیتھ کو پھر 13 کیموتھراپی سیشنز سے گزرنا پڑا۔
روشنی کا مینار
جب لولا کے معالج نے کیموتھراپی تجویز کی تو اس کی والدہ کرسٹن اور خاندان کے دوسرے عزیز واقارب انتہائی رنجیدہ ہوئے۔ سب کو کینسر اور کیمو کی ہولناکی کا اندازہ تھا اسی لئے سب گھبرائے ہوئے تھے۔ وہ سب اس مشکل محاذ پر لولا کی کم سنی کی وجہ سے بھی متفکر تھے اور مسلسل اس کی صحت کے لئے دعا گو تھے۔
کرسٹن نے اس حوالے سے بتایا: ” لولا نے اس قدر بہادری سے ان سب تکلیفوں کا سامنا کیا کہ ہمارے خاندان میں امید کی روشن مثال بن گئی ۔”
آخری جنگ
ایک طویل اور صبر آزما انتظار کے بعد آخر کار 7 اگست کا دن آیا جب لولا اپنے کیمو کا آخری ڈرپ لگوانے گئی۔ تو سارا خاندان بے صبری سے نتائج کا انتظار کر رہا تھا۔
لولا بیتھ کی صحت یابی پر نہ صرف اسکے خاندان کے تمام افراد نہایت مسرور تھے بلکہ انسٹاگرام پر بھی تمام فالوورز نے کرسٹن کو تہنیتی پیغامات ارسال کئے۔
صحت کی نوید
کینسر بیماری کے خلاف ایک طویل جدوجہد کا نام ہے۔ لولا بیتھ نے بھی یہ لڑائی لڑی اور آخری کیمو سیشن کے ٹھیک تین ہفتوں بعد والدہ کرسٹن نے انسٹاگرام اکاونٹ پر پوسٹ کے ذریعے لولا کی کینسر سے نجات اور مکمل صحت یابی کا اعلان کیا
فتح کا جشن
کسی بھی بیماری سے مریض اکیلا نہیں لڑتا، بلکہ اس کے اہل خانہ اور دوست احباب بیماری سے نمٹنے میں اس کی مدد کرتے ہیں۔ یوں مریض کے لئے بیماری سے لڑنا کچھ حد تک آسان ہو جاتا ہے۔
خوش قسمتی سے لولا بیتھ، کینسر کے دوران اپنے پیاروں کی توجہ کا مرکز بنی رہی۔ خصوصا اس کی والدہ نے جس حوصلے سے اس سارے عرصے میں اس کا خیال رکھا اور صبر و تحمل کا مظاہرہ کیا وہ قابل ستائش اور قابل تقلید ہے۔
لولا کی صحت یابی کی خوشی میں اس کی والدہ نے اس کے لئے ایک فوٹو شوٹ کا اہتمام کیا۔ اس فوٹو شوٹ میں لولا نے خوبصورت ملبوسات میں اور دلکش ہیڈ بینڈز پہن کر حصہ لیا۔ تصاویر میں لولا بیتھ کو ایک نشان تھامے دیکھا جا سکتا ہے جس پر لکھا ہے:
” میں لڑی، میں نے فتح پائی، میں لولا بیتھ مضبوط ہوں۔”
کرسٹن باقاعدگی سے اپنے انسٹاگرام صفحہ پر اپ ڈیٹس پوسٹ کرتی رہی ہیں، اس حوالے سے انھوں نے گڈ مارننگ امریکہ کو بتایا کہ:
“میں نے اپنی زندگی کے اس سیزن کو محفوظ کرنے کی کوشش کی ہے تاکہ ہم آئندہ آنے والے برسوں میں ان یادوں کو تازہ کر سکیں۔ یہ وقت ہماری زندگیوں کا ایک انتہائی جذباتی وقت رہا ہے۔ ہم اپنی بیٹی کی صحت یابی پر بہت خوش ہیں اور اس واقعے نے ہمیں سکھایا ہے کہ زندگی اور صحت کی قدر کرنی چاہیے اور اسے کبھی بھی معمولی نہیں سمجھنا چاہئے۔
مرہم ایپ ڈاؤن لوڈ کرنے کیلئے یہاں کلک کریں
| Android | IOS |
|---|---|
 |
 |